Koronavirus can almaqda davam edir
Son sutka ərzində Rusiyanın paytaxtı Moskvada 30-a yaxın şəxs koronavirusdan vəfat edib.
AYNA TASS-a istinadən xəbər verir ki, bu barədə Rusiyanın koronavirus infeksiyası ilə bağlı vəziyyətə Nəzarət və Monitorinq üzrə Operativ Qərargahından bildirilib.
Qeyd edilir ki, ölənlər 31-94 yaşlı xəstələrdir.
"Moskvada pnevmaniyanın təsdiq edildiyi və koronavirus testlərinin müsbət nəticə verdiyi 29 pasiyent öldü. Ölənlər 31-94 yaşlı pasiyentlər idi. Onların əksəriyyətində digər xəstəliklər mövcud olub", - qərargahdan bildirilib.
Qərargahın məlumatına görə, Rusiyada koronavirusa ümumilikdə 47 121 yoluxma qeydə alınıb, 3 446 nəfər sağalıb, 405 nəfər pandemiyanın qurbanı olub.