“Laboratory of Art” sosial platforması Araz Məmmədovun şeirlər kitabını təqdim edib
Əsas şüarı – “Kainatın hər elementi, bir incəsənət əsəridir" olan “Laboratory of Art” sosial platforması ilk müəllif işi olan, adı çəkilən platformanın idarəedicilərindən biri Araz Məmmədovun (Yaquboğlu) qələminin məhsulu olan "Mən Şəhidəm" adlı şeirlər kitabını 21 iyul 2024-cü il tarixində təqdim edib.
AYNA xəbər verir ki, əsas qayəsi incəsənətlə uzaqdan-yaxından əlaqəsi olan, maraqlanan, incəsənətin inkişafına töhfə vermək istəyən insanları bir araya toplamaq olan "Laboratory of Art" sosial platformasının sayca lll kitabı "Mən Şəhidəm” şeilər kitabından öncə, platformanın yazarlarının "Qələmimizdən qəlbinizə", şairlərinin "Misraların əsrarı" antologiyaları işıq üzü görüb.
Hazırda isə "Könül dəftərimiz" adlı növbəti hekayələr və "Nəqşi-bənd" adlı şeirlər, eləcə də layihə rəhbəri Fərid Nəsibzadənin psixoloji triller janrında olacaq "Alfa" kitabları üzərində iş gedir.
