“Tehran Amerika liderinin ilkin reaksiyası ilə tanış olub, lakin hələlik vasitəçilər vasitəsilə rəsmi cavab almayıb”
İran ABŞ Prezidenti Donald Trampın açıq şəkildə rədd etməsinə baxmayaraq, vasitəçilərin Tehranın Hörmüz boğazının açılması təkliflərinə ABŞ-dan qəti cavab verməsini gözləyir. AYNA.AZ xəbər verir ki, bu barədə İranın xarici işlər naziri Abbas Əraqçi özünün “Telegram” kanalında yazıb.
Onun sözlərinə görə, “Tehran Amerika liderinin ilkin reaksiyası ilə tanış olub, lakin hələlik vasitəçilər vasitəsilə rəsmi cavab almayıb”.
Əraqçi qeyd edib ki, “Tramp ziddiyyətli açıqlamalar verir, ona görə də İran tərəfi Vaşinqtonun diplomatik kanallar vasitəsilə çatdırılacaq yekun mövqeyini gözləmək niyyətindədir”.
İranın xarici işlər naziri vurğulayıb ki, Hörmüz boğazının açılması ilə bağlı gələcək irəliləyiş ABŞ-ın Tehranın qoyduğu şərtləri yerinə yetirməsindən asılı olacaq.