“Başladığımız müdafiə sənayesi layihələrini fəal şəkildə həyata keçirməyə davam edəcəyik"
“Slovakiya və Birləşmiş Ərəb Əmirlikləri (BƏƏ) müdafiə sənayesi layihələrini həyata keçirməyə davam edəcəklər”. AYNA.AZ xarici mediaya istinadən bildirir ki, bu sözləri Slovakiyanın Baş naziri Robert Fiko BƏƏ Prezidenti Məhəmməd bin Zayed Əl Nəhyan ilə danışıqlardan sonra “Facebook”da yazıb.
O yazıb: "BƏƏ Prezidenti Şeyx Məhəmməd bin Zayed Əl Nəhyan icra hakimiyyətinin və prezident administrasiyasının ən yüksək vəzifəli nümayəndələrindən ibarət böyük bir nümayəndə heyətinə rəhbərlik edərək Slovakiyaya səfər etdi. Bratislavada Dunay çayı kənarında mühüm infrastruktur layihəsinin həyata keçirilməsində əməkdaşlıq barədə konkret razılaşmalar əldə etdik. Və başladığımız müdafiə sənayesi layihələrini fəal şəkildə həyata keçirməyə davam edəcəyik".
Fikonun Əl Nəhyanla danışıqları bir neçə saat davam edib. Baş nazirin sözlərinə görə, onlar həmçinin iki ölkə arasında kənd təsərrüfatı sahəsində əməkdaşlıq perspektivlərini və BƏƏ-nin Slovakiyanın kurort sənayesinə investisiya qoyuluşu imkanlarını müzakirə ediblər.