Bakı təmsilçisi HİK klubunu məğlub etsə, Türkiyə klubu ilə qarşılaşacaq
Avqustun 2-də UEFA Avropa Liqasının pley-off mərhələsinin püşkatma mərasimi keçirilib.
AYNA xəbər verir ki, püşkün nəticəsinə görə, “Neftçi” – HİK cütünün qalibi pley-off mərhələsində Türkiyənin “Fənərbağça” klubu ilə qarşılaşacaq.
HİK-lə ilk oyun avqustun 3-də “Bakcell Arena”da, cavab matçı isə ayın 12-də Helsinkidəki “Bolt Arena”da keçiriləcək.
Avropa Liqasının pley-off mərhələsinin görüşləri avqustun 19-da və 26-da baş tutacaq.