“Ankara Şimali Kipr Türk Cümhuriyyətində yeni infrastruktur layihələri həyata keçirməyə davam edəcək”
“Ankara Kipr türklərini dəstəkləməyə və Şimali Kipr Türk Cümhuriyyətində yeni infrastruktur layihələri həyata keçirməyə davam edəcək”. AYNA.AZ xəbər verir ki, bu sözləri Türkiyə Prezidenti Rəcəb Tayyib Ərdoğan deyib.
Hökumət iclasından sonra Ərdoğan vurğulayıb ki, Şərqi Aralıq dənizindəki Kipr türklərinin suveren bərabərliyini, hüquqlarını və qanuni maraqlarını görməzdən gələn heç bir təşəbbüs uğur qazanmayacaq.
O, həmçinin bildirib ki, Türkiyə Kipri yeni hərbi ittifaqlara və geosiyasi layihələrə daxil etmək cəhdlərini yaxından izləyir.
"Türkiyə heç vaxt Kipr türk qardaşlarını tərk etməyəcək və nəyin bahasına olursa olsun, keçmişin faciələrinin təkrarlanmasına imkan verməyəcək", - deyə qeyd edib.
Ərdoğan əlavə edib ki, Ankara işğal olunmuş Şimali Kiprin infrastrukturuna genişmiqyaslı investisiyaları davam etdirəcək: “Xüsusilə, adanın su ilə təmin edilməsi layihəsi başa çatdıqdan sonra hakimiyyət sualtı qaz kəməri çəkmək niyyətindədir”.