Yoluxmanın çoxu Cənub-Şərqi Asiyanın payına düşür
Dünyada son sutka ərzində 438 704 nəfər koronavirusa yoluxub, 9 322 nəfər ölüb.
AYNA xarici mətbuata istinadən xəbər verir ki, bu barədə Ümumdünya Səhiyyə Təşkilatının son hesabatında bildirilib.
Dünya üzrə ümumilikdə isə rəsmi olaraq 167 011 807 yoluxma hadisəsi, 3 472 068 ölüm faktı qeydə alınıb.
Son 24 saat ərzində yoluxmanın çoxu Cənub-Şərqi Asiyanın (219 031) payına düşür. Digər yerləri isə Şimali və Cənubi Amerika (122 363) ilə Avropa (44 281) bölüşür.