Razi Nurullayev: “Ağına-bozuna baxmadan hamını ağır şəkildə təhqir edirlər”
“Sosial şəbəkələrdə təhqirə, söyüşə yol verənlərin, əxlaqsız sözlər yazanların birmənalı şəkildə cinayət məsuliyyətinə cəlb edilməsini tələb edirik”. AYNA xəbər verir ki, bu sözləri Milli Cəbhə Partiyasının sədri, deputat Razi Nurullayev Milli Məclisin iclasında deyib.
Deputat qeyd edib ki, sosial şəbəkələrdə ağzına gələni yazanlar çoxalıb: “Ağına-bozuna baxmadan hamını ağır şəkildə təhqir edirlər. Yaydıqları videodan da bu faktlar aydın görünür. Həmin şəxslər cinayət məsuliyyətinə cəlb edilməlidir. Çoxu da xaricdə fəaliyyət göstərir. Onların həbsi üçün siyasi danışıqlar aparmaq lazımdır”.