Britaniyada COVID-19-dan ölənlərin sayı artıb

Bir sutkada 268 nəfər koronavirusdan ölüb

Böyük Britaniyada COVID-19 infeksiyası qurbanlarının sayı gün ərzində 268 nəfər artaraq ümumilikdə 31 855 nəfərə çatıb. AYNA bildirir ki, bu barədə ölkənin Səhiyyə Nazirliyi məlumat yayıb.

Məlumata görə, bundan əvvəlki statistikada koronavirusdan ölənlərin sayı 31 587, gündəlik artım isə 346 nəfər idi.

Son bir gündə yeni yoluxma hallarının sayı 3923 nəfər artaraq ümumilikdə 219 183 nəfər təşkil edib.