İsmayıllı rayon sakini yoldaşına görə özünü asaraq intihar edib. AYNA "Report"-a istinadən xəbər verir ki, hadisə rayonun Aşağıbaş adlanan ərazisində baş verib. Rayon sakini Sədiyar Şükürlü yaşadığı evin həyətindəki tikilidən özünü asıb.
Mərhumun yaxınlarının sözlərinə görə, tez-tez ailədaxili münaqişələr olduğu üçün mərhumun həyat yoldaşı atası evinə gedib. Yoldaşını gətirmək üçün qayınatasıgilə gedən S.Şükürlü yoldaşının onunla gəlmədiyindən qəzəblənərək evinə qayıtdıqdan sonra intihar edib.
Qeyd edək ki, cütlük 5 il əvvəl ailə qurub, bu evlilikdən 4 yaşlı övladları var. Faktla bağlı araşdırma aparılır.