ABŞ ordusu İsrailin İrana qarşı qisas hücumlarında heç bir rol oynamayıb
ABŞ ordusu İsrailin İrana qarşı qisas hücumlarında heç bir rol oynamayıb. AYNA.AZ xəbər verir ki, bu barədə “Axios” Pentaqon mənbələrinə istinadən məlumat yayıb.
Portalın mənbələrinə görə, ABŞ İsrailin İrana qarşı qisas hücumlarını miqyas baxımından "kifayət qədər məhdud" kimi qiymətləndirir.
İranın hücumlarına cavab olaraq, İsrail Müdafiə Qüvvələri dünən gecə İslam Respublikasına qarşı bir sıra hücumlar həyata keçirib. Ordunun sözçüsünün ofisinin məlumatına görə, İsrail Hərbi Hava Qüvvələri İranın qərbində və mərkəzindəki hərbi hədəflərə hücum edib.
7 iyun axşamı İran yəhudi dövlətinin şimal ərazilərinə raketlər atıb. İsrail ordusu bütün raketlərin zərərsizləşdirildiyini açıqlayıb. Bu, İsrailin bazar günü Beyrutun kənarında “Hizbullah” hədəfinə zərbə endirməsindən sonra baş verib. İsrail tərəfinin məlumatına görə, bu hücum “Hizbullah” tərəfindən yəhudi dövlətinin şimal bölgələrinin atəşə tutulmasına cavab olub.