“Nazirlər Gürcüstan hökumətinə öhdəliklərinə qayıtması üçün necə təzyiq göstərilməsi barədə müzakirə apara bilərlər”
Noyabrın 18-də keçiriləcək görüşdə Avropa İttifaqının (Aİ) 27 ölkəsinin xarici işlər nazirləri Gürcüstan hökumətinə avrointeqrasiyaya qayıtmaq üçün təzyiq tədbirlərini müzakirə edəcəklər.
AYNA xarici mediaya istinadənm bildirir ki, bu barədə Aİ-nin yüksək rütbəli nümayəndəsi Brüsseldə jurnalistlərə deyib.
“Nazirlər yeni tədbirləri müzakirə edə və Gürcüstan hökumətinə Avropaya inteqrasiya ilə bağlı öhdəliklərinə qayıtması üçün necə təzyiq göstərilməsi barədə müzakirə apara bilərlər”, o deyib.
Jurnalistlərin Aİ-nin Gürcüstan üçün vizasız rejimi dayandıra biləcəyi ilə bağlı sualına diplomat belə cavab verib: “Bu, Gürcüstan xalqına təsir edəcək çox mühüm tədbirdir. Bunun təsdiq olunacağını düşünmürəm”.
Eyni zamanda, diplomat qeyd edib ki, gürcü diplomatları və hökumət nümayəndələri üçün vizasız rejimin dayandırılması mümkündür: "Düşünürəm ki, bu müzakirə edilə bilər, lakin bazar ertəsi qəti qərarın veriləcəyini deyə bilmərəm".