Zelenski ABŞ-ı Ukrayna ilə bağlı diplomatik prosesdə iştirakını artırmağa çağırıb
Ukrayna Prezidenti Volodimir Zelenski ABŞ-ı Ukrayna ilə bağlı diplomatik prosesdə iştirakını artırmağa çağırıb. AYNA.AZ xəbər verir ki, Zelenski bu barədə CNN-ə verdiyi müsahibədə deyib.
"Amerikanın sülh planında daha çox iştirakına ehtiyacımız var. Prezident Donald Trampın komandasına bunu davam etdirmək istəklərinə görə minnətdaram", - deyə o vurğulayıb.
Zelenski qeyd edib ki, Kiyev ABŞ-a yeni sülh təklifləri təqdim edib. Lakin o, Ukrayna Silahlı Qüvvələrinin qalan Donbassdan çıxarılması ehtimalını rədd edib və təhlükəsizlik zəmanətlərinin Ukrayna üçün əsas məsələ olduğunu vurğulayıb.