Fond bazarı böhranından sonra kabinetdə dəyişiklik gözlənilir
Sentyabr ayında fond bazarı böhranından sonra kabinetdə dəyişiklik gözlənilir. AYNA.AZ xəbər verir ki, bu barədə "Hürriyet" qəzeti məlumat yayıb.
Qəzetin məlumatına görə, böhran Prezident Rəcəb Tayyib Ərdoğanın rəhbərlik etdiyi hakim Ədalət və İnkişaf Partiyasında (AKP) əks-səda doğurub.
Nəşr yazıb ki, partiya məsul şəxslərin tapılmasını və məsuliyyətə cəlb edilməsini tələb edir. Prezident vaxtı seçəcək və hərəkət istiqamətini müəyyən edəcək. Lakin AKP daxilində bürokratiyada və kabinetdə kadr dəyişiklikləri ilə bağlı çağırışlar güclənib.
"Hürriyet" həmçinin qeyd edib ki, Türkiyənin hakim partiyası 6 oktyabrda parlamentə böhranı araşdırmaq üçün xüsusi komissiya yaratmaq təklifi təqdim edəcək.
Fond bazarı fırıldaqçılığı ilə bağlı araşdırmalar zamanı Türkiyənin maliyyə tənzimləyicisi olan Kapital Bazarları Şurası hakimiyyətin böhranın əsas günahkarları hesab etdiyi beş investisiya fondunu məcburi xarici administrasiyaya verib. Bunların arasında “Tera Holding” də var. Türkiyənin ədliyyə naziri Akın Gürlek əvvəllər sentyabr ayı qarışıqlığı zamanı qanunsuz əldə edilmiş bütün aktivlərin dövlət tərəfindən müsadirə ediləcəyini bildirmişdi.