“Həmişə deyirəm: pilləkənləri yavaş-yavaş və ehtiyatla enin”
Sələfi Co Baydendən fərqli olaraq, ABŞ Prezidenti Donald Tramp pilləkənləri yavaş-yavaş və ehtiyatla endiyi üçün yıxılmır. AYNA.AZ xəbər verir ki, Amerika lideri bu barədə oktyabrın 5-də Atlantik Donanmasının 250 illik yubileyi münasibətilə Virciniya ştatının Norfolk şəhərindəki Atlantik Donanmasının əsas bazasında çıxışı zamanı bildirib.
"Bizim nə baş verdiyindən xəbəri olmayan dəhşətli bir prezidentimiz var idi. Onun pilləkənlərlə enmək şansı az idi. Ehtiyatlı olmalıyam, çünki nə vaxtsa yəqin ki, yıxıla bilərəm. Həmişə deyirəm: pilləkənləri yavaş-yavaş və ehtiyatla enin. Diqqət yetirin. Tələsmək lazım deyil, mən bunu yavaş-yavaş və diqqətlə edirəm", - Tramp deyib.