Onun hündürlükdən yıxılaraq dərəyə düşdüyü ehtimal olunur
21.10.2019-cu il tarixində saat 18:30 radələrində Fövqəladə Hallar Nazirliyinin (FHN) Böhran Vəziyyətlərində İdarəetmə Mərkəzinə Qusar rayonundan məlumat daxil olub.
Məlumata əsasən, Qusar rayonunun Buğur kəndi ərazisində, mürəkkəb relyefli yüksək dağ massivində, 1987-ci il təvəllüdlü Sərxanov Sərxan Sahib oğlunun hündürlükdən yıxılaraq dərəyə düşdüyü ehtimal olunur.
FHN-in mətbuat xidmətindən AYNA-ya bildirilib ki, Nazirliyin Şimal Regional Mərkəzinin xilasediciləri axtarışlara cəlb olunub. Əlavə məlumat veriləcək.