İran Parlamentinin sədri Vaşinqtonu vədlərini yerinə yetirməyə çağırıb
İran Parlamentinin spikeri Məhəmməd Bağır Qalibaf ABŞ-ın danışıqlar taktikasını "şou" adlandırıb.
AYNA.AZ xəbər verir ki, Qalibaf “X”də yazıb: "Onlar böyük bir tətil hazırlayırlar, sonra deyirlər danışıqlar istəyirlər. Bu, şou diplomatiyasıdır. Qorxu, pozulmuş vədlər və təsir gücü kimi saxta xəbərlər uğursuz bir strategiyadır".
O, ABŞ-ı vədlərini yerinə yetirməyə çağırıb: “Faktları qəbul edin və öhdəliklərinizi yerinə yetirin! Artıq bu şouya ehtiyacımız yoxdur”.
Qeyd edək ki, 5 avqustda ABŞ Prezidenti Donald Tramp İranla danışıqların gedişatını yüksək qiymətləndirib. Lakin o, xəbərdarlıq edib ki, əgər Tehran "danışıqlarda geri çəkilərsə", İrana "çox ağır zərbə" dəyəcək.
Xatırladaq ki, 2 avqustda Tramp Hörmüz boğazının açılması və nüvə proqramı ilə bağlı razılaşmaların daxil olduğu yeni sülh sazişi fonunda İrana hücumları dayandırdığını açıqlayıb.