"İndi isə beysbol izləməyə davam edin"
İsveç millisinin sabiq futbolçusu Zlatan İbrahimoviç “Los-Anceles Qalaksi”dən ayrılıb.
AYNA xəbər verir ki, bu barədə məlumatı 38 yaşlı forvardın özü sosial şəbəkə hesabında yayıb.
"Gəldim, gördüm, fəth etdim. "Los-Anceles Qalaksi"yə məni yenidən canlı varlıq olduğumu hissi etdirdiyi üçün təşəkkür edirəm. İndi isə beysbol izləməyə davam edin", - deyə İbrahimoviç qeyd edib.
Qeyd edək ki, Zlatan 2010-2012-ci illərdə "Milan"da çıxış edib. O, 2018-ci ildə "Mançester Yunayted"dən "Los-Anceles Qalaksi"yə keçib. İbrahimoviç MLS klubunda 58 oyuna 53 qol vurub.