Ölənlərin əksəriyyəti uçan konstruksiyaların altında qalanlardır
Filippinin cənubundakı Mindanao adası sahillərində baş verən 7,8 bal gücündə zəlzələ nəticəsində ölənlərin sayının 37-yə çatıb. AYNA.AZ xarici mediaya istinadən bildirir ki, bu barədə ölkənin Mülki Müdafiə İdarəsindən bildirilib.
Bildirilib ki, çərşənbə axşamı səhər saatlarına olan məlumata görə, Sokkssargen bölgəsində 33, Davao bölgəsində isə dörd ölüm hadisəsi təsdiqlənib.
Rəsmilərin məlumatına görə, ölənlərin əksəriyyəti uçan konstruksiyaların altında qalanlardır.
Hadisə nəticəsində 456 nəfər yaralanıb, dörd nəfər itkin düşüb. Zəlzələ 17.600-dən çox ev təsərrüfatına - təxminən 77.000 nəfərə təsir edib. Axtarış-xilasetmə işləri ən çox ziyan çəkən General Santos şəhərinə və Sarangani əyalətinə yönəlib.
General Santos fəlakət zonası elan edilib. Hakimiyyət orqanları xilasetmə qruplarının digər zərər çəkmiş ərazilərdə də işlədiyini qeyd edir. İlkin hesablamalara görə, doqquz körpü və 19 yol hissəsi zədələnib. 1800-dən çox evə də ziyan dəyib. Onlardan təxminən 1500-ü tamamilə dağılıb.
Davam edən afterşoklar və binaların sabitliyi ilə bağlı narahatlıqlar səbəbindən bir çox sakin açıq məkanlarda qalır.
Hökumət təxliyə olunanları yerləşdirmək üçün müvəqqəti sığınacaqlar və çadır şəhərcikləri yaratmağı düşünür.