Boya fabrikindəki yanğının söndürülməsi hələlik mümkün olmayıb
Bakının Binəqədi rayonunun 7-ci mikrorayon ərazisində Sobsan boya fabrikində başlanan yanğın partayışla müşahidə edilməkdədir.
AYNA xəbər verir ki, Fövqəladə Hallar Nazirliyi tərəfindən yanğının baş verdiyi ərazidə Qərargah yaradılıb.
Hadisə yerinə 5 Təcili Tibbi Yardım briqadasının göndərildiyi bildirilir.
Son məlumatlara görə, Bakı Şəhər İcra Hakimiyyətinin başçısı Eldar Əzizov və Fövqəladə Hallar nazirinin müavini Etibar Mirzəyev yanğın baş verən əraziyə gəliblər.
Yanğının söndürülməsi istiqamətində təxirəsalınmaz işlər davam etdirilir.