Zəlzələ Datça rayonunun sahillərinə yaxın ərazidə meydana gəlib
Egey dənizində 4.6 bal gücündə zəlzələ baş verib. AYNA Türkiyə mediasına istinadən bildirir ki, bu barədə ölkənin Fövqəladə Halların İdarə Olunması Agentliyindən (AFAD) məlumat verilib.
Qeyd edilib ki, yeraltı təkanlar Türkiyənin Muğla vilayətinin Datça rayonunun sahillərinə yaxın ərazidə meydana gəlib.
Ocağı dənizin 15 kilometr dərinliyində olan zəlzələ ətraf bölgələrdə də hiss olunub.
Dağıntı və xəsarət alanlarla bağlı məlumat yoxdur.