Sautport şəhərindəki qocalar evinə qohumları və dostları onu təbrik etməyə gəliblər
Dünyanın ən yaşlı adamı Con Alfred Tinnisvudun 112 yaşı var. AYNA xəbər verir ki, bu barədə Ginnesin Rekordlar Kitabının saytında məlumat yerləşdirilib.
Onun yaşadığı İngiltərənin Sautport şəhərindəki qocalar evinə qohumları və dostları təbrik etməyə gəliblər.
Həmçinin Ginnesin Rekordlar Kitabının nümayəndələri Tinnisvudun doğum günü ərəfəsində onun rifahı və əhval-ruhiyyəsini öyrənmək üçün onunla görüşüblər. Yaşı ilə bağlı heç bir xüsusi hisslərinin olmadığını deyən qoca yəqin ki, buna görə gəlib bu yaşa çatdığını qeyd edib.
Kişi heç bir pəhriz saxlamadığını, cümə günləri balıq və çips yediyini də bildirib. Qeyd olunur ki, o, gündəlik işlərinin bir çoxunu özü görür, maliyyə vəziyyətinə nəzarət edir, həmçinin radioda dünya xəbərlərini dinləyir. Tinnisvuda görə, sağlam qalmaq üçün əsas tövsiyə mötədilliyə riayət etməkdir.