Tamaşaçısız oyundan əlavə, “Dinamo” 50 min avro məbləğində cərimə də olunub
Tblisinin “Dinamo” komandası fanatların irqçi hərəkətinə görə cərimələnib.
AYNA xəbər verir ki, qurumun rəsmi saytının məlumatına görə, Avropa Futbol Təşkilatları İttifaqı (UEFA) "Dinamo Tbilisi" yə cəza qərarı çıxarıb.
Avropa Liqasının ikinci təsnifat mərhələsinin Azərbaycanın "Qəbələ" komandası ilə oyunu zamanı azarkeşlərin irqçi davranışlarına görə klub tamaşaçısız bir matçla cəzalandırılıb. Komanda görüşü 3-0 hesabıyla başa çatıb.
Bildirilir ki, "Dinamo" növbəti ev oyununu Avropa yarışında tamaşaçısız keçirməyə borcludu.
"Qəbələ" növbəti oyunda “EqualGame” (bərabər oyun) pankartını UEFA loqosu ilə asma öhdəliyini öz üzərinə götürüb. Tamaşaçısız oyundan əlavə, “Dinamo” 50 min avro məbləğində cərimə də olunub.
Daha əvvəl bildirildi ki, İsveçrənin "Tuna" komandasının azarkeşləri Çempionlar Liqasının üçüncü təsnifat mərhələsinin matçının keçirildiyi stadiona Rusiya Prezidenti Vladimir Putin və ABŞ prezidenti Donald Trampın təsvir olunduğu şəkilləri gətiriblər.