“Əvvəllər müttəfiqlər həmişə bu cür hərəkətlər və qoşun sayında hər hansı bir dəyişiklik barədə məlumat verirdilər”
Çexiya Prezidenti Petr Pavel ABŞ administrasiyasının NATO-da qeyri-müəyyənlik yaradan hərəkətlərindən, xüsusən də Prezident Donald Trampın Polşaya 5000 əsgər göndərmək qərarından narahatdır. AYNA.AZ xəbər verir ki, bu barədə CHTK xəbər agentliyi məlumat yayıb.
Çexiya liderinin sözlərinə görə, “Polşaya qoşun yeritmək qərarı Ağ Ev tərəfindən digər NATO üzv dövlətləri ilə, hətta Alyansın Avropadakı Ali Müttəfiq Komandanı ilə koordinasiya edilmədən qəbul edilib”.
Pavel xatırladıb ki, “əvvəllər müttəfiqlər həmişə bu cür hərəkətlər və qoşun sayında hər hansı bir dəyişiklik barədə məlumat verirdilər”.
Çexiya Prezidenti NATO üzv ölkələrinin gələcəkdə oxşar hallarda hərəkətlərin əlaqələndirilməsi barədə razılığa gələ biləcəyinə əminliyini ifadə edib.