Serialın mövzusu İrəvan xanlığıdır
Azərbaycanın görkəmli ədəbiyyat xadimi “Qarlı aşırım”, “Xudafərin körpüsü”, “Çaldıran döyüşü” kimi məşhur romanların müəllifi, mərhum yazıçı Fərman Kərimzadənin qızı, yazıçı-jurnalist Yeganə Kərimzadə yeni tarixi serial üzərində işləyir.
AYNA xəbər verir ki, bu barədə Y.Kərimzadə özü məlumat verib. O, serialın İrəvan xanlığına həsr ediləcəyini bildirib.
"Yeni möhtəşəm tarixi seriala başlayıram. Bu işi xalqımız Vətənimiz qarşısında borcum bilib, işə ya Allah, deyirəm. Özümə bu yolda uğur və can sağlığı istəyirəm ki, işi başa çatdıra bilim. Serialın mövzusu İrəvan xanlığıdır. Musiqi: İrəvanda xal qalmadı. İlk cümlə isə belədir, Vətəni qoruyarsan Vətən olar, qorumazsan kəfən olar..."
Qeyd edək ki, Y.Kərimzadə bir çox serialın ssenari müəllifidir.