Sindromun koronavirusla əlaqəli olduğuna dair şübhələr var
İngiltərədə uşaqlar arasında yayılan yeni xəstəlik ABŞ-da da görünməyə başlayıb. AYNA xəbər verir ki, Xəstəliklərə Nəzarət və Qoruma Mərkəzləri (CDC) orqanlarda iltihab səbəbiylə inkişaf edən, yüksək qızdırma və dəridə şişkinlik əlamətləri olan sindromun toksik şoka bənzədiyini vurğulayıb.
CDC sindromun koronavirusla əlaqəli olduğuna dair şübhələrin olduğunu, pandemiyanın ən çox təsir etdiyi Nyu York ştatında isə 100 uşağın sindroma yoluxduğunu bildirib.
CDC sindrom səbəbiylə 5 və 7 yaşlarında iki oğlan və 18 yaşında bir qızın öldüyünü vurğulayıb.