Türkiyə ilə Rusiya arasında başlanan danışıqlar yekunlaşıb
Azərbaycan ilə Ermənistan arasında atəşkəs rejimini nəzarətdə saxlamaq məqsədilə Türkiyənin Milli Müdafiə naziri Hulusi Akar ilə Rusiyanın Müdafiə naziri Sergey Şoyqu arasında noyabrın 11-də vedeoformatla imzalanan anlaşma əsasında başlanan danışıqlar yekunlaşıb. Bu barədə AYNA Türkiyə mediasına istinadən bildirir.
Türkiyənin Milli Müdafiə Nazirliyindən verilən məlumatda qeyd olunub ki, Türkiyə-Rusiya Birgə Müşahidə Mərkəzinin qurulması və fəaliyyəti ilə bağlı texniki məsələlərin həllinə dair danışıqlar başa çatıb və müvafiq sənəd imzalanıb. Mərkəzin ən qısa zamanda fəaliyyətə başlaması üçün mühüm işlər görülür.