Sürücünün arvadı yol polislərinə “meydan oxuyub” – <font color=red> VİDEO</font>

Hadisə

21.11.2019 - 18:53

“Gərək benzin əlimdə Prezident Aparatının qarşısına gedim?”

 

Yol hərəkəti qaydasını pozan sürücünü saxlayıb qanuni tədbir görmək istəyən polis əməkdaşının görüntüsü sosial şəbəkədə yayılıb. AYNA avtosfer.az-a istinadən xəbər verir ki, bu gün “Koroğlu” metrostansiyasının yaxınlığında, “giriş qadağandır” nişanının tələbini pozaraq əks istiqamətdə hərəkət edən, 99-MN-862 qeydiyyat nişanlı avtomobilin sürücüsünü, həmin ərazidə xidmət aparan, 99-YP-321 qeydiyyat nişanlı patrul avtomobilində xidmət aparan yol patrul xidməti inspektorları dayandırıb.

 

Polislər sürücü barəsində qanuni tədbir görmək istəyiblər. Sürücünün yanında əyləşən həyat yoldaşı isə avtomobildən düşərək polislərə hədə-qorxu gəlməyə başlayıb.

 

Sürücünün qayda pozmasına baxmayaraq, o, polisləri videoya çəkərək "Məni tanımadınız? Mənim yoldaşım müharibə veteranıdır, Azərbacan üçün üç əsgər saxlayırıq. Gərək benzin əlimdə Prezident Aparatının qarşısına gedim?", - deyərək yol polisinin işinə qanunsuz müdaxilə etməyə çalışıb.

 

Həmin xanım sonradan kirayə evdə qaldıqlarını, avtomobilin kreditdə olduğunu və cəriməni ödəyə bilməyəcəklərini dedikdən sonra, yol polisləri həmin sürücüyə protokol yazmadan yola salıblar.

 

Onlar polisdən uzaqlaşdıqdan sonra çəkdikləri videonu sosial şəbəkədə yayaraq özlərini düzgün göstərməyə çalışıblar.

Müəllif: Ayna.az