Repetoviç işğal olunmuş ərazilərimizdə film çəkib
Polşalı jurnalist Vitold Repetoviç Azərbaycanın işğal altında olan Dağlıq Qarabağ bölgəsinə səfər edib. AYNA erməni mətbuatına istinadən bildirir ki, jurnalist iyulun 29-dan avqustun 7-dək Ermənistanda olub.
O həmin ərəfədə Dağlıq Qarabağa gedib, orada film çəkib. Repetoviç Polşanın “Defance24.pl”, “TVP” və “Pulaski” Fondunun Siyasi və Analitik Mərkəzi ilə əməkdaşlıq edir.
Repetoviçin avqustun 8-də “Defence.pl”-da Qarabağa səfəri barədə geniş məqaləsi və videomaterialları yayımlanıb.
Qeyd edək ki, Azərbaycandan icazəsiz işğal olunmuş Dağlıq Qarabağa əcnəbi jurnalistlər zaman-zaman səfər edirlər. Azərbaycanın Xarici İşlər Nazirliyi (XİN) isə həmin şəxsləri arzuolunmaz şəxs olaraq “qara siyahı”ya salır.