Kinematoqrafiya şöbəsinə yeni müdir təyini olub
Mədəniyyət Nazirliyi rejissor Rüfət Həsənovun qurumun Kinematoqrafiya şöbəsinin müdiri vəzifəsinə təyin edilməsi ilə bağlı məlumat yayıb.
AYNA-nın məlumatına görə, xəbərdə bildirilir ki, Mədəniyyət nazirinin səlahiyyətlərini icra edən Anar Kərimov bu barədə əmr imzalayıb.
Qeyd edək ki, 2017-ci ildən Cəfər Cabbarlı adına “Azərbaycanfilm” Kinostudiyasının rejissoru kimi fəaliyyətini davam etdirən Rüfət Həsənov son təyinatadək “Debüt” studiyasının direktoru vəzifəsində çalışıb.