Görüş ölkədəki humanitar əməliyyatın maliyyə vəsaitinin artırılması məqsədi daşıyacaq
BMT-nin Baş katibi Antonio Quterreş sentyabrın 13-də Cenevrədə Əfqanıstana humanitar yardım üzrə nazirlər toplantısında iştirak edəcək. AYNA-nın məlumatına görə, bu barədə Baş katibi ofisinin açıqlamasında bildirilib.
Sənəddə qeyd olunub: "BMT Əfqanıstan xalqı ilə həmrəy olaraq qalır, buna görə də Baş katib ölkənin artan ehtiyaclarını ödəmək üçün sentyabrın 13-də yüksək səviyyəli humanitar nazirlər toplantısı çağırmaq üçün Cenevrəyə gedəcək".
Beynəlxalq təşkilatın Baş katibinin nümayəndəsinin sözlərinə görə, görüş ölkədəki humanitar əməliyyatın maliyyə vəsaitinin artırılması məqsədi daşıyacaq. Toplantı, həmçinin əfqanların əsas xidmətləri almağa davam etmələri üçün "tam və maneəsiz" humanitar çıxış təmin etməyinə yönəldiləcək.