İqlim dəyişikliyi 2099-cu ilə qədər Avropanın 854 şəhərində 2,3 milyondan çox ölümə səbəb ola bilər
Alimlərin hesablamalarına görə, iqlim dəyişikliyi 2099-cu ilə qədər Avropada 2,3 milyon insanın ölümünə səbəb ola bilər. “Euronews.com” yazır ki, bunu “Nature Medicine” jurnalında dərc olunan London Gigiyena və Tropik Tibb Məktəbinin (LSHTM) Ətraf Mühit və Sağlamlığın Modelləşdirilməsi (EHM) Laboratoriyasının tədqiqatının iştirakçıları iddia edirlər.
“Tədqiqat istidən ölüm hallarının kəskin artmasının soyuqdan ölüm hallarını üstələyərək Avropada ölüm hallarının xalis artmasına gətirib çıxaracağına dair inandırıcı sübutlar təqdim edir”, - məqalənin baş müəllifi və elmi tədqiqat təşkilatının rəhbəri professor Antonio Qasparrini bildirib.
Onun komandası hesab edir ki, iqlim dəyişikliyi 2099-cu ilə qədər Avropanın 854 şəhərində 2,3 milyondan çox ölümə səbəb ola bilər. Bununla belə, tədqiqatçıların fikrincə, planetin sağlamlığının yaxşılaşdırılması üçün operativ tədbirlər görülsə, bu faciələrin 70 faizinin qarşısını almaq olar.