Kamran Ağabalayevin aparıcısı olduğu veriliş bağlanıb
Aktyor və aparıcı Kamran Ağabalayev Azərbaycan Televiziyası (AzTV) ilə yollarını ayırıb. AYNA-nın xəbərinə görə, K.Ağabalayev öz istəyi ilə televiziyadan çıxıb.
Buna görə də, aktyorun aparıcısı olduğu “Ağ & Qara” verilişi bağlanıb.
Xəbəri AzTV-nin Sosial media və ictimaiyyətlə əlaqələr şöbəsindən AYNA-ya təsdiqləyiblər. Bildirilib ki, K.Ağabalayev işdən ayrıldığı üçün televiziya ilə onun arasındakı müqaviləyə qarşılıqlı razılıq əsasında xitam verilib.