Qadağa Çindən kənarda yerləşən ABŞ personalına şamil edilməyəcək
Amerika hökuməti işçilərinə və onların ailələrinə Çin vətəndaşları ilə sevgi münasibəti qurmağı qadağan ediləcək. AYNA.AZ xəbər verir ki, bu barədə mənbələrinə istinadən “Associated Press” məlumat yayıb.
"Yeni siyasət ABŞ-ın Çindəki diplomatik nümayəndəliklərinə, o cümlədən Pekindəki səfirliyə və Quançjou, Şanxay, Şenyanq və Vuhandakı konsulluqlarına, habelə Honq-Konqun yarımmuxtar ərazisindəki Amerika konsulluğuna şamil ediləcək. Qadağa Çindən kənarda yerləşən ABŞ personalına şamil edilməyəcək", - nəşr yazıb.
Bununla belə, qadağa tətbiq edilməzdən əvvəl Çin vətəndaşları ilə münasibətdə olan dövlət qulluqçuları istisna hal üçün müraciət edə biləcəklər. Amma müraciətləri rədd edilərsə, onlardan dərhal əlaqəni dayandırmaq və ya vəzifəsini tərk etmək tələb olunacaq.