“Yaponçik” Bakıda ələ keçdi

Hadisə

12.09.2019 - 15:36

Onun idarə etdiyi “KİA” markalı avtomobilin baqaj hissəsində aparılan axtarış zamanı 1 kiloqram 100 qram marixuana aşkar edilib

 

Bakıda “Yaponçik” adı ilə tanınan kriminal avtoritet saxlanılıb. AYNA xəbər verir ki, bu barədə oxu.az-a hüquq-mühafizə orqanlarından məlumat verilib.

 

Sentyabrın 11-də Sabunçu Rayon Polis İdarəsinin əməkdaşları, əvvəllər oğurluqda şübhəli bilinən, 1982-ci il təvəllüdlü Həsənli Rauf Orxan oğlunu saxlayıblar. Onun idarə etdiyi “KİA” markalı avtomobilin baqaj hissəsində aparılan axtarış zamanı 1 kiloqram 100 qram marixuana aşkar edilib.

 

Bundan əlavə, saxlanılan şəxsin üstündə də narkotik aşkarlanıb. Narkotikin satış üçün nəzərdə tutulduğu bildirilir. Hazırda saxlanılan şəxsin başqa cinayətlərdə iştirakının olub-olmadığı müəyyənləşdirilir.

 

Qeyd edək ki, R.Həsənli özünü, 2009-cu il oktyabrın 9-da sui-qəsd nəticəsində həyatını itirən Moskvadakı mütəşəkkil cinayətkar qrupun lideri, “qanuni oğru” Vyaçeslav İvankov (“Yaponçik”) əfsanəsinə bənzədir.

 

Əvvəldən “Yapon” olaraq tanınan cinayətkar (gözləri qıyıq olduğuna görə belə deyilib), sonradan “Yaponçik” adlandırılıb.

Müəllif: Ayna.az