Müdafiə nazirləri ABŞ-ın yeni administrasiyasının gəlişi ilə baş verə biləcək dəyişiklikləri müzakirə edəcəklər
Polşanın müdafiə naziri Vladislav Kosiniyak-Kamış yanvarın 13-də Almaniya, Fransa, Böyük Britaniya, İtaliya və Ukraynanın müdafiə nazirlərinin görüşünü keçirəcəyini açıqlayıb.
AYNA TASS-a istinadən xəbər verir ki, bu barədə Kosiniyak-Kamış Seymdə (Polşa parlamentinin aşağı palatası) mətbuat konfransında bildirib.
“Gələn həftənin bazar ertəsi Almaniya, Fransa, Böyük Britaniya və İtaliyanın müdafiə nazirlərini Ukrayna münaqişəsi ilə bağlı danışıqlara dəvət etdim”, - deyə qeyd edib.
Nazir həmçinin Ukraynanın müdafiə naziri Rustem Umerovun videokonfrans vasitəsilə iclasa qatılacağını bildirib.
Müdafiə nazirləri ABŞ-ın yeni administrasiyasının gəlişi ilə baş verə biləcək dəyişiklikləri müzakirə edəcəklər.