“Bütün zamanların ən yaxşı vitse-prezidenti və gələcək prezidentimiz”
Amerikalı milyarder İlon Mask Donald Trampın səlahiyyət müddəti başa çatdıqdan sonra ABŞ-ın hazırkı vitse-prezidenti J.D.Vensi dövlət başçısı postuna ən yaxşı namizəd kimi göstərib. AYNA.AZ xəbər verir ki, bu barədə Mask “X” sosial şəbəkəsindəki hesabında yazıb.
“Bütün zamanların ən yaxşı vitse-prezidenti və gələcək prezidentimiz”, - deyə Mask Vensin Böyük Britaniyanın Baş naziri Keir Starmer ilə söz azadlığı məsələsi ilə bağlı son söhbətini şərh edən yazıya belə cavab verib.
Qeyd edək ki, ABŞ-ın vitse-prezidenti fevralın 14-də Münhen Təhlükəsizlik Konfransında çıxışı zamanı Baş nazirin fəaliyyətini tənqid edib.