Giden Saar: “ABŞ Prezidenti İranın nüvə obyektlərinə hücum etməklə azad dünyanın lideri adına layiq olduğunu sübut edib”
İsrailin xarici işlər naziri Giden Saar ABŞ-ın İrana zərbəsini dəyərləndirərək bildirib ki, bu qərarla Amerika Prezidenti Donald Tramp tarixə düşüb. AYNA.AZ xəbər verir ki, nazirin sözlərini “Nour News” yayımlayıb.
"Bu gün Tramp öz adını tarix kitablarına qızıl hərflərlə yazdı", - nazir vurğulayıb.
Saar əlavə edib ki, ABŞ Prezidenti İranın nüvə obyektlərinə hücum etməklə “azad dünyanın lideri adına layiq olduğunu sübut edib”.
Amerika lideri ABŞ Hərbi Hava Qüvvələrinin İranın Fordo, Natanz və İsfahan da daxil olmaqla üç nüvə obyektini vurduğunu bildirib.