SEPAH ABŞ Hərbi Dəniz Qüvvələrinin iki esminesinə raket zərbələri endirib
İran İslam İnqilabı Keşikçiləri Korpusu (SEPAH) ABŞ Hərbi Dəniz Qüvvələrinin iki esminesinə raket zərbələri endirdiyini açıqlayıb.
AYNA.AZ “Press” TV-yə istinadən bildirir ki, məlumatda deyilir: "SEPAH ABŞ-ın İran neft tankerləri və gəmilərinə qarşı aqressiv hərəkətlərinə cavab olaraq, kruiz raketləri və “Aegis” raketdən müdafiə sistemləri ilə təchiz olunmuş iki ABŞ Hərbi Dəniz Qüvvələri esminesi DDG-119 və DDG-53-ə uğurlu raket zərbələri endirib".
Daha əvvəl ABŞ-ın Yaxın Şərqdəki Mərkəzi Komandanlığı (CENTCOM) ABŞ qüvvələrinin ABŞ Hərbi Dəniz Qüvvələrinin gəmisinə edilən hücuma cavab olaraq Fars körfəzi və Oman körfəzində beş İran neft tankerini məhv etdiyini açıqlamışdı.