Nazirlik məktəblərdə koronavirusla bağlı bugünkü vəziyyəti açıqlayıb
Təhsil Nazirliyi ümumi təhsil müəssisələrində bu günə COVID-19-la bağlı məlumat yayıb. Nazirlikdən AYNA-ya verilən məlumata görə, oktyabrın 15-də 14 şagirddə hərarət 37 dərəcədən yüksək olub.
“Bu gün işçi heyətdə hərarəti 37 dərəcədən yüksək olan şəxslərin sayı iki olub. 33 şagirddə, 12 işçi heyətdə isə koronavirus aşkarlanıb”, - deyə məlumatda qeyd olunub.
Bildirilib ki, əyani təhsilə keçən siniflərin sayı üç, distant təhsilə keçən siniflərin sayı yeddidir. Cəmi distant təhsilə keçirilmiş siniflərin sayı 60, məktəblərin sayı isə 37-dir.