YUĞ Teatrının keçmiş direktoru vəfat edib
Azərbaycan teatr ictimaiyyətinə itki üz verib. AYNA xəbər verir ki, tanınmış teatr xadimi Cəbrayıl İsrafilov 69 yaşında vəfat edib.
O, 1973-cü ildə Azərbaycan Dövlət İncəsənət İnstitutunu dram-kino aktyoru ixtisası üzrə bitirib. Kurs yoldaşları ilə birgə elə həmin il dekabrın 6-da açılışı olan Lənkəran Dram Teatrının truppasının ilk üzvlərindən olub. Bu teatrın səhnəsində müxtəlif maraqlı obrazlar yaradıb.
1991-2007-ci illərdə “YUĞ” Teatrının direktoru vəzifəsində çalışıb.
C.İsrafilov, professor İsrafil İsrafilovun və YUĞ Dövlət Teatrının aktyoru, Əməkdar artist Fərhad İsrafilovun qardaşıdır.
Allah rəhmət eləsin!