Yaralılardan biri komadadır, vəziyyəti kritikdir
Şəmkirin Sarıtəpə kəndi ərazisində avtobusla yük avtomobili toqquşub.
Səhiyyə Nazirliyindən AYNA-ya verilən məlumata görə, Təcili Yardıma çağırış gecə saat 4.04-də daxil olub.
Bir nəfər aldığı xəsarətlərdən hadisə yerində dünyasını dəyişib. 15 nəfər müxtəlif dərəcəli bədən xəsarətləri ilə Şəmkir Mərkəzi Rayon Xəstəxanasına çatdırılıb.
Səhər saat 8:20-də baş həkimin verdiyi məlumata əsasən, xəstəxanada 2 kişi və 4 qadın qalıb. Kişilərdən biri komadadır, vəziyyəti kritikdir.