Müdafiə Nazirliyi: 530 hektar ərazi, 201 kilometrdən çox yol minalardan təmizlənib
Rusiya sülhməramlıları Dağlıq Qarabağda vəziyyətin gecə-gündüz izlənilməsi və atəşkəs rejiminə əməl olunmasına nəzarəti 27 müşahidə məntəqəsində həyata keçirir. AYNA xəbər verir ki, bu barədə Rusiya Müdafiə Nazirliyinin məlumatında bildirilib.
Qeyd edilib ki, sülhməramlılar noyabrın 23-dən Qarabağda 530 hektar ərazini, 201 kilometrdən çox yolu minalardan təmizləyib. 751 tikilini yoxlayıb və partlayış təhlükəsi olan 23 min 530 obyekt aşkar olunaraq zərərsizləşdirilib.
Nazirlik bölgədə hər hansı insidentin baş verməsi barədə məlumat olmadığını açıqlayıb.