Koronavirusla Mübarizəyə Dəstək Fonduna daxil olan vəsaitin məbləği bəlli olub

Koronavirusla Mübarizəyə Dəstək Fonduna daxil olan vəsaitin məbləği bəlli olub

İanə köçürən şəxslər arasında 1068 nəfər hüquqi, 2191 nəfər fiziki şəxs var

 

Azərbaycanda Koronavirusla Mübarizəyə Dəstək Fonduna indiyədək köçürülən ianənin məbləği açıqlanıb. AYNA xəbər verir ki, bu günə kimi Fonda 90 155 635 manat vəsait köçürülüb.

 

Məlumata görə, ianə köçürən şəxslər arasında 1068 nəfər hüquqi, 2191 nəfər fiziki şəxs var.

 

Xatırladaq ki, Koronavirusla Mübarizəyə Dəstək Fondu Prezident İlham Əliyevin fərmanı ilə martın 19-da yaradılıb.

 

Koronavirusla Mübarizəyə Dəstək Fondunun məqsədi koronavirus infeksiyasının Azərbaycan Respublikasında yayılmasının qarşısını almaqdan və onunla mübarizə istiqamətində həyata keçirilən tədbirlərə maliyyə dəstəyini təmin etməkdən ibarətdir.

 

Azərbaycan Respublikasında əhalinin sağlamlığının qorunması, dünya standartlarına uyğun tibbi yardımla təmin olunması ölkədə həyata keçirilən sosial-iqtisadi siyasətin prioritetlərindəndir. Son aylarda dünyada yayılan yeni növ koronavirus infeksiyasının coğrafiyasının genişlənməsi ölkəmizdə də bu xəstəliyə yoluxma hallarının qarşısının alınması məqsədilə müvafiq preventiv və profilaktik tədbirlərin gücləndirilməsini zəruri edir.

Müəllif: Ayna.az      27 Mart 2020 13:20
Xəbərlər bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin