"Real Madrid"in sabiq prezidenti koronavirusdan ölüb

"Real Madrid"in sabiq prezidenti koronavirusdan ölüb

Koronavirus can almaqda davam edir 

 

Koronavirus daha bir məşhurun ölümünə səbəb olub. AYNA Rusiya mətbuatına istinadən xəbər verir ki, COVİD-19 virusuna “Real Madrid” klubunun keçmiş prezidenti Lorenso Sans da tutulub. 


Martın 17-də “Real Madrid” klubunun keçmiş prezidentinin  səhhətində problem yarandığı üçün xəstəxanaya aparılıb və onda virus aşkarlanıb. Onu karantinə alıblar. Martın 19-da 77 yaşlı L.Sansın səhhətinin pisləşdiyi məlumatı yayılıb. Ötən gün isə L.Sans həyatını itirib.


Bu barədə onun oğlu sosial şəbəkədə məlumat paylaşıb. “Mənim atam indicə öldü. O dünyanın ən yaxşı insanlarından biri idi. Onun üçün ailəsi və “Real Madrid” həyat eşqi idi. Anam və qardaşlarım  onunla həyatın hər anından həzz alırdılar”. 


Qeyd edək ki, L.Sans 1995-200-ci illərdə “Real Madrid” klubunun prezidenti olub.

Müəllif: Təranə Xudabaxşiyeva      22 Mart 2020 14:58
İdman bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin