Tramp FED-i faiz dərəcəsini aşağı salmağa çağırıb

Tramp FED-i faiz dərəcəsini aşağı salmağa çağırıb

"Faiz dərəcəsi rəqibimiz olan ölkələrin səviyyəsinə endirilsin"

 

ABŞ prezidenti Donald Tramp Federal Ehtiyatlar Sistemini (FED) faiz dərəcəsini rəqib ölkələrin səviyyəsinədək endirməyə çağırıb.

 

AYNA xəbər verir ki, bu barədə dövlət başçısı “Twitter” hesabında yazıb.

 

“Faiz dərəcələrini çox cəld qaldıran və tez aşağı salan Cay Pouellin rəhbərliyindəki bu acınacaqlı, astagəl Federal Ehtiyatlar Sisteminin faiz dərəcəsini rəqibimiz olan ölkələrin səviyyəsinə endirsin. Onlar indi hətta daha böyük valyuta məzənnəsinin yardımı ilə belə vur-tut iki faiz bəndi irəlidədir”, - D.Tramp yazıb.

 

Qeyd edək ki, 2008-ci il böhranından sonra ilk dəfədir martın 3-də fövqəladə iclas keçirən FED yeni koronavirusa qarşı mübarizə tədbirləri çərçivəsində faiz dərəcəsini 1,5 - 1,75 faizdən 1 - 1,25 faizədək endirib.

Müəllif: Ayna.az      11 Mart 2020 01:28
Dünya bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin