Səudiyyə Ərəbistanı ümrə ziyarətini dayandırdı

Səudiyyə Ərəbistanı ümrə ziyarətini dayandırdı

Koronavirus təhlükəsi səbəbindən müqəddəs məkanların qapıları bağlanıb

 

Səudiyyə Ərəbistanı koronavirusa görə ümrə ziyarətlərini müvəqqəti olaraq dayandırıb. AYNA xəbər verir ki, bu barədə ölkənin rəsmi xəbər agentliyi SPA Səudiyyə Ərəbistanı Xarici İşlər Nazirliyinə istinadən məlumat yayıb.

 

Məlumatda epidemiyanın qarşısını almaq üçün beynəlxalq təşkilatlar və hökumətlərin, xüsusilə də Ümumdünya Səhiyyə Təşkilatının (ÜST) səylərinin dəstəklənəcəyi qeyd edilib: “Səhiyyə orqanlarının tövsiyələri və virusun yayılmasının qarşısını almaq üçün görülən önləyici tədbirlər çərçivəsində ümrə və ya Peyğəmbər məscidinə ziyarət üçün Səudiyyə Ərəbistanına girişin müvəqqəti olaraq dayandırılması qərara alınır”.

 

Bəyanatda, həmçinin virus təhlükəsi səbəbiylə Körfəz Əməkdaşlıq Şurasına (KİK) üzv olan ölkələrin vətəndaşlarının Səudiyyəyə gediş-gəlişinin də dayandırıldığı bildirilib.

Müəllif: Ayna.az      27 Fevral 2020 11:53
Dünya bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin