İstirahətə getdiyiniz yerlərdə bu xəstəliklərə yoluxa bilərsiniz - DİQQƏT

İstirahətə getdiyiniz yerlərdə bu xəstəliklərə yoluxa bilərsiniz -         DİQQƏT

Hər ölkədə geniş yayılmış xüsusi xəstəliklər var

 

Yay istirahətində müxtəlif yaxın – uzaq ölkələrə istirahətə gedən insanlar, adətən, bir sıra xəstəliklər, simptomlarla qayıdırlar və bir müddət sonra orqanizmdə  qəribə hallar baş qaldırır. Mütəxəssislər illərdir xəbərdarlıq edir ki, insan ekzotik ölkədən, nəinki, zəngin təəssüratla, hətta bir çələng ekzotik xəstəlik, virusla da qayıda və bir çox insanları da yoluxdura bilər.

 

AYNA xəbər verir ki, Medicina.az turistlərin hansı ölkədə hansı xəstəliklərə tutulma ehtimalını araşdırıb. Elə ölkələr var ki, orda insanın daha çox hansı problemlərə tutulması ehtimalı yüksəkdir. 

 

Misir, Tunis – tif və quduzluq 

 

Tunisdə yarasalar çoxdur və onlar insanı dişləyir. Bu da quduzluq yarada bilir. Misirdə isə havanın çox isti və bazarlarda, açıq havada qidaların, şirin içkilərin, meyvələrin tez xarab olmasından tif xəstəliyinə tutulurlar. Eləcə də qarın yatalağı qaçılmazdır.

 

Türkiyə - dizenteriya, Hepatit A

 

Otellərdə, ümumi baseynlərdə su bəzən vaxtında dəyişdirilmir, bir hovuza eyni anda 200 nəfər daxil olur. Su və qida ilə hepatit A yayılır. Eləcə də meyvə, tərəvəzlər yaxşı sanitar işlənmədiyindən Türkiyədə elə istirahətdə ola-ola qarında pozulma, qızdırma, qusma, dizenteriya başlayır və Türkiyədə turistlər ən çox bu problemlə təcili yardımlara üz tutur.

 

Hindistan – şistosomoz və amöb ensefaliti

 

Ensefalitə Hindistanın təzə tərəvəzlərini yedikdə də yoluxa bilərsiz. Şistosomoz isə təbii su hövzəsində çimmək, yuyunmaq, bulaqdan və ya hansısa axar su olan yerdən su içərkən yoluxmaq mümkündür. Ona görə bu ölkədə suyu marketdən alıb için.

 

Afrika, Meksika – Zika virusu, malyariya, denq qızdırması

 

Bütün bunları həşəratlar, ağcaqanadlar, moskitlər yayır. Keniya, Mərkəzi Afrika bu baxımdan təhlükəlidir. Gedərkən peyvəndlər vurdurun.

 

Ərəbistan, Dubay - leptospiroz və dəvə qripi

 

Birinci xəstəliyi gəmiricilər, siçanlar yayır. Harasa toxunursuz və əlinizi yumursuz, ağızla keçir.  İkincisi - dəvə qripinə isə sadəcə xəstə dəvəyə minib gəzərkən yoluxursuz. Ona görə harda oldu dəvəyə minməyin.

 

Kuba, Kipr – müxtəlif yad, təhlükəli parazitlər

 

Bu ölkələrdə qumda uzanmaq, ayaqyalın gəzmək, adi su içməklə də qurda yoluxa bilərsiz. Helmintlər dəri səthini də yarıb keçir

 

Cənubi Amerika – sarı qızdırma

 

Ağcaqanad və daşıyıcı insanlardan, yerli əhalidən yoluxur. Müalicəsi var. Ölüm faizi də az deyil. Buna qarşı mütləq 2 ay öncə peyvənd olunub, sonra viza alın. 

 

Avropa - salmonelloz və gəmə ensefaliti

 

Salmonella qida, su və heyvanlarda olur. Bişirildikdə də ölmür. Gənələrə isə Avropa meşələri, parkları, talalarında çox rast gəlinir. Gənələrə qarşı tədbirli olun. 

 

Dəri–zöhrəvi xəstəliklər

 

İstənilən ölkədə tutula bilərsiz. Daha çox Tailand, Malayziya, Tayvan, Asiya ölkələrindən QİÇS, qonoreya gətirilir. Kişilər istirahətdə ötəri qadınlarla ötəri münasibətdən özünü qorumasa, hələ çox xəstəlikləri ölkələrinə gətirəcək.

Müəllif: Ayna.az      11 İyul 2019 01:13
Maraqlı bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin