Lənət Şeytana, hər şey fərqli ola bilərdi!

Lənət Şeytana, hər şey fərqli ola bilərdi!

Seçki saxtakarlıqlarını o qədər uzun müddət tətbiq ediblər ki, bu, onlarda artıq adət halını alıb

 

Azərbaycandakı növbədənkənar parlament seçkilərinin nəticələrini qiymətləndirərək demək istəyirəm: “Lənətə gəlsin, hər şey başqa cür ola bilərdi!”. Təəssüf ki, hər şey yenidən əvvəl olduğu kimi baş verdi. III Napoleonun işlətdiyi ifadə yenidən öz aktuallığını sübut etdi. Həqiqətən, necə səs vermək vacib deyil, necə hesablamaları vacibdir.

 

Yeri gəlmişkən, məqalənin əsas mövzusundan bir qədər kənara çıxaraq, Ukraynadakı “hesabın”ın “iflas” olacağını bilməyənlərə məlumat verəcəm. Baxın, məhz bu söz hesab aparanlar üçün ən uyğun sözdür.

 

İşlərin böyük əksəriyyətində, bütün əvvəlki seçkilərdə bunu edən yenə həmin adamlardır. Və bütün bu prosesin başında MSK-nın çoxdankı rəhbəri Məzahir Pənahov dayanır. Mövcud parlament seçkilərində saxtakarlığa yol verən özündən və bütün MSK üzvlərindən, artıq nə baş verdiyini və nəyin baş verə biləcəyini soruşmaq lazımdır. Əslində cəmiyyətdəki gərginliyin həddi sürətlə böyüyür.

 

Çox sayda insan özünü aldanmış kimi hiss edir. Çünki həqiqətən parlamentin köklü şəkildə yeniləşəcəyinə inanırdılar. Yeri gəlmişkən, say hesabı ilə danışarkən yenilənmə baş verdi - Milli Məclisin yeni tərkibində dərhal 44 yeni sima ortaya çıxdı. Yalnız indi bu yeni simaların xeyli hissəsi seçki nəticələrini tamamilə saxtalaşdırmaq, ortalığı rəqiblərdən təmizləmək yolu ilə MM-ə daxil oldu.

Eyni sxemə görə bir çox köhnə deputatlar yeni çağırış parlamentə yenidən daxil oldular. Ən pisi də odur ki, aralarında insanda açıq-aşkar ikrah oyadanları da var. Seçki kampaniyası zamanı köhnə MM deputatlarının əksəriyyətinin kütləvi şəkildə rədd edilməsi, fəaliyyətsizlik ittihamları, seçicilərə qarşı diqqətsizlikdə ittiham olunmaları barədə çoxlu sayda videosüjetlər var. Sağlam düşüncə və ayıq yaddaşa sahib olan kimlərsə onların öz dairələrində qalib olduqlarına inanacaqlar? Hər bir halda onlar indi qalib hesab olunurlar.

 

Mən tamamilə əmin idim ki, MSK-ya ən dürüst seçkiləri keçirmək əmri verildi. Amma əsas məqam ondan ibarətdir ki, Məzahir Pənahov və komandası sadəcə bunu etməyi bacarmır! Fırıldaqçılıq, seçki saxtakarlıqlarını o qədər uzun müddət tətbiq ediblər ki, bu, onlarda artıq adət halını alıb.

 

ATƏT DTİHB, AŞPA və ATƏT PA-nın hazırkı parlament seçkilərinin monitorinqinin nəticələrini təqdim edən müştərək müşahidə missiyasının qeydləri budur. Burada bülletenlərin düzgün sayılmaması (35 hal), topa bülletenlərin atılması (16% məntəqədlərdə ), “karusel” hallarının olması (5%) və s. kimi qeydlər təqdim olundu. 44 seçki məntəqəsində kənar şəxslər, o cümlədən polis əməkdaşları, təhlükəsizlik xidməti və hərbi qulluqçular, habelə hökumət rəsmiləri də görünüb. Əhəmiyyətli prosedurlara laqeyd yanaşdığına görə 113 haldan 66-da səslərin sayılması mənfi qiymətləndirilib.

 

İstədiyiniz qədər bu seçkiləri rədd edə bilərsiniz, ancaq hazırkı seçkilərdə saxtakarlığın dəlilləri sadəcə sosial şəbəkələrdə doludur. Üstəlik, bəzən vəziyyət tragekomik görünür. Tovuzdakı 105-ci seçki dairəsində artıq mütləq namizəd olmuş Qənirə Paşayeva üçün seçki qutusuna topa bülletenlər atmaq lazım idimi?! Bunun düzgün bir izahatı yoxdur.

 

Daha bir misal çəkim. “Mənim iştirak etdiyim seçki məntəqəsində rəqəmlər şişirdilmişdi. Mənim həqiqi topladığım səsdən artıq səs sayı qeyd etmişdilər”, - deyə 16 saylı 2-ci Yasamal seçki dairəsindən lider namizəd, REAL hərəkatının təmsilçiri Erkin Qədirli bildirdi. Bunu etiraf etmək Qədirlinin özünə şərəf gətirir, amma bu hallar heç bir şəkildə Mərkəzi Seçki Komissiyasının buna edən saxtakarlarını məsuliyyətdən uzaqlaşdırmır.

 

Diqqət yetirin ki, cari seçkidə qalib gələn həqiqətən layiqli, real və proqnozlaşdırıla bilən namizədlərə qarşı heç bir sual, ittiham yoxdur. Ancaq indi ümumi seçkinin nəticələrindən böyük narazılığın olması ilə hesablaşmaq məcburiyyətində qalırlar.

 

Üstəlik, səsvermə gününə bir neçə gün qalmış MM-in yeni tərkibində olacaqların siyahısı mediaya sızdı. Bu siyahı ilə son seçki nəticələri arasındakı fərqin nə olduğunu bilirsinizmi? Cəmi 5 ad fərqli çıxdı. Media siyahısında Natiq Cəfərlinin əvəzinə Səbinə Xasayeva, Fərəc Quliyevin əvəzinə Etibar Əliyev, İkram İsrafilin yerinə Emin Hacıyev, Rəşad Camalovun yerinə İltizam Yusifov, Tünzalə Məmmədzadənin əvəzinə isə Vüqar İsgəndərov seçildi. Tam olaraq bu!

 

Belə bir dəhşətli təsadüfdən sonra və daha da dəhşətlisi isə o ola bilərdi ki, bloger Mehman Hüseynovun Fərəc Quliyevin ona rüşvət təklif etdiyi ilə bağlı səs yazısı ortaya çıxmasaydı, o da həmin siyahıda ola bilərdi. Bu zaman seçkinin ədalətli keçirildiyinə inanacaqdıqmı?!

 

Ancaq hər şey fərqli ola bilər. Fərqli olmaq üçün hazırkı seçkidə səsləri sayan insanların hamısını dəyişdirməlisiniz. MSK rəhbəri Məzahir Pənahovdan başlayaraq bütün üzvlər dəyişdirilməlidir. Heç olmasa, minimum halda bunu etmək olar. Maksimum olaraq isə evdən çıxmadan elektron səsverməyə keçmək lazımdır. Beləliklə, heç bir pis hava şəraiti düzgün seçki nəticələrini təmin etməyimizə mane olmaz.

Müəllif: Əkbər Həsənov      13 Fevral 2020 12:54
Siyasət bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin