Əsas səhifə Haqqımızda Xəbər lenti

Bu avtobusların hərəkət sxemi dəyişdirilib

Bu avtobusların hərəkət sxemi dəyişdirilib

Qeyd edilən dəyişikliklər 25.01.2020-ci il tarixindən tətbiq olunacaq

 

Üç müntəzəm marşrut xətti üzrə avtobusların hərəkət sxemində dəyişiklik edilib. Bakı Nəqliyyat Agentliyinin Mətbuat xidmətinin rəhbəri Mais Ağayevin AYNA-ya verdiyi məlumata görə, dəyişiklik vətəndaşlardan daxil olmuş müraciətlərə əsasən edilib.  

 

Hərəkət sxemi dəyişdirilmiş avtobuslar bunlardır:

 

117 nömrəli müntəzəm marşrut xətti üzrə edilən dəyişikliyə əsasən, avtobuslar Salyan şosesindən keçməklə “Lökbatan” Nəqliyyat Mübadilə Mərkəzinə hərəkət edəcəklər. “Binə” və “Sədərək” ticarət mərkəzlərini birləşdirən yolun vəziyyəti qənaətbəxş olmadığından avtobusların burdan keçməsi çətinliklər yaradırdı. Bu hal sərnişinlərin də ciddi narahatlığına səbəb olurdu.

 

185 nömrəli müntəzəm marşrut xətti üzrə edilən dəyişikliyə əsasən isə  avtobuslar Yusif Vəliyev - Dadaş Vasif - İsrafil Məmmədov küçələrindən keçməklə hərəkət edəcək.

 

206 nömrəli müntəzəm marşrut xətti üzrə avtobusların hərəkət sxemi də dəyişdirilib. Dəyişikliyə əsasən, bu xətt üzrə avtobuslar Lökbatan qəsəbəsi “Təzə evlər” adlanan əraziyədək hərəkət edəcək. Bu isə həmin ərazidə yaşayan sakinlərin “Elmlər Akademiyası” metro stansiyası istiqamətində rahat gediş-gəlişinin təmin edilməsinə imkan verəcək.

 

Qeyd edilən dəyişikliklər 25.01.2020-ci il tarixindən tətbiq olunacaq.  

Müəllif: Ayna.az      23 Yanvar 2020 17:09
Xəbərlər bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin